المهاجم الوهمى أو ما يعرف ب false 9 فى فتره جورديولا مع برشلونه كمدير فنى للفريق غير فى طرق لعب الكره الحديثه وكان من التغيرات اعاده احياء فكره المهاجم الوهمى دى لما حرك ميسى من مركز الجناح ولعبه كمهاجم وهمى وده خلق مثلثات وخماسيات بين لاعبيه برشلونه ساعدهم كتير فى الانتشار وسرعه نقل الكوره وخلق المساحات وكمان ده حصل مع المنتخبات اللى التغيرات التكتيكه نادره ،
إسبانيا تحت قياده دلبوسكى قرر ان المهاجم الوهمى هيكون خطه ناجحه حتى لو مكنش معاك حد ب مهاره ميسى،
السؤال ايه هو المهاجم الوهمى وما هو سبب تسميته ب false 9 المهاجم الوهمى هو المهاجم اللى بيسقط فى العمق وبيتأخر لنص الملعب لاستلام الكره بين الخطوط وخلق مساحه لزملائه وخلخله دفاع الخصم خصوصا الفرق اللى بتلعب دفاع Man to Man سبب تسميته ب false 9
قديما المهاجم التقليدى كان عادة بيلبس رقم 9 ولما كان الاعب اللى بيرتدى التيشرت اللى عليه رقم 9 مبيلعبش او على الدكه ودا الشىء اللى فى الاصل تم التعاقد معاه فكانو بيطلقوا عليه انه لم يعد رقم 9 الحقيقى ومنا هنا جت التسميه،
اول استخدام للمهاجم الوهمى كان فى ثلاثنيات القرن الماضى لما أبهر الفريق النمساوى مشجعينه وخصومه بطريقه اللعب الثوريه وقاد الفريق المهاجم ماتياس سيندرلا وكان من اوائل المهاجمين اللى كانو بيسقطوا للعمق عشان يعمل خلل بين دفاعات الخصم وكان فى الخمسينات المنتخب المجرى العظيم مع ناندور هديكويتى كمهاجم وهمى ،
لكن فى الكره الحديثه من اوائل الامثله فرانشيسكو توتى موسم 2006/07 استخدمه سباليتى بعد اصابه المهاجم وحصل على هداف الدورى وسجل 26 هدف و10 اسيست بعد نجاح توتى فى مركز المهاجم الوهمى كتير من المدربين بدأو يجربوها فى اوربا وبالتحديد اليكس فيرغسون جرب تشكيله بدون مهاجم صريح لما كان بيلعب رونالدو ورونى وتيفيز والثلاثه مكنش ليهم مركز محدد و كمان ارسين فينغر لما لعب ب فان بيرسى فى 2009 مهاجم وهمى وكانت إضافه ل لفينجر لانه مكنه من انه يشرك مهاجم اخر إما بينتدر او ادواردو، لكن يظل أفضل من لعب كماهجم وهمى هو ميسى مع برشلونه بيب لدرجه قد تصل للكمال ميسى وقدرته انه يسقط للعمق مع تمراريه اللى بتكسر خطوط المنافس كان ميزه حاسمه فى نجاح برشلونه العظيم فى الفتره دى بالاضافه ان ميسى سجل 91 هدف فى 2012 ،مع دلبوسكى وتشكيله اسبانيا فى نهائى يورو 2012 المهاجم الوهمى اخد شكل رسمى وشائع لما الغالبيه من المشجعين عرفوا المركز فى نهائى عالمى الفريق بدا بدون مهاجم فربيغاس كان خط وسط مهاجم وبعدين لعب كماهجم وكانت النتيجه 4/1 لإسبانيا،المهاجم الوهمي او (FALSE 9) او لاعب 9.5 مواصفاته يجب ان تكون سريع مهاري يجيد التسديد وذكي ويجيد التمرير بذكاء اما دوره في الملعب هو اللعب بين المدافعين فى بعض الأحيان ( كالمهاجم الصريح ) والعودة للخلف مره اخرى،ليه المهاجم الوهمى كانت خطه ناجحه
مع المهاجم الكلاسيكى واحد من قلوب الدفاع هيكون سهل عليه انه يراقبه والاخر هيغطيه لكن مع المهاجم الوهمى اثناء اللعب قلبى الدفاع فى حريه تامه وده بيسبب اترباك ليهم بسبب اداورهم ووظيفتهم فى الملعب ودايما بيبقى فى فكرتين فى دماغهم ي اما واحد منهم يراقب المهاجم الوهمى لنص الملعب أو يفضل مع زميله فى خط الدفاع وفى كلتا الحالتين كانت بتأتى الهزيمه
لانه سيجبر قلوب الدفاع على أحد أمرين ضغط احدهما او كلاهما على المهاجم الوهمي ولحاقه عندما يعود للخلف مما سيخلف فراغات كبيرة في الدفاع سيستغلها القادمون من الخلف ( الاجنحة ولاعبي الوسط) والحل الاخر هو ان يبقى قلبي الدفاع في أماكنهم مما يعني حريه للمهاجم الوهمى اما ان يراوغ او يسدد او يمرر،
تأثير المهاجم الوهمى
تحول اغلب الفرق من دفاع Man to Man اللى دفاع zone marking
كمان الرجوع لفكره اللعب ب 3 مدافعين فى الخلف لتقليل المساحات فى العمق والاعتماد على الضغط العالى
كمان كان ليها تاثير على مهاجمين الصندوق انهم يكتسبوا خصائص و مهارات جديده تمكنهم من مجاره الامور التكتيكه والحفاظ على اماكنهم وفى اخر الاحصائيات عدد الاعبين الصاعدين فى مركز مهاجم الصندوق فى تناقص كبير وفى توقع لانقراضه فى السنين القادمه ،
تغير وخلق طرق لتغلب على المهاجم الوهمى وهناك اكثر من طريقه ومنهم 4-2-3-1 بحيث ميكونش فى مساحه بين قلبين الدفاع ومحورى الارتكاز لان المساحة دى هتكون مزدحمه وده هيقلل او يحد من خطورته كمان فى طريقه او تكتيك مشهور وشائع جدا اسمه اركن الاتوبيس وده لعب بيه تشيلسى 2012 وفاز وحقق البطوله.
