لا كدة بنزيما الموسم ده بقا اکتر لاعب فرنسي تسجيلا للاهداف من القرن الواحد والعشرين، ده طبقا للكلام الی نشره الصحفي دانی راين وال اتنشر يوم٢١ مارس في موقع Give me sport ویوم نشر المقال بنزيما كان مسجل 413 هدف وفي خلال الشهرين بنزيما سجل 12 هدف كمان يعني بنزيما دلوقتي مسجل 425 هدف وتيري هنري مسجل 411 هدف يعني البنز هو هداف اللاعيبه الفرنسية في القرن الواحد والعشرين.
وخود بقا الكبيرة بنزيما بقا اكتر لاعب فرنسي تسجيلا للاهداف في العموم وتاني حاجة حصلت في الموسم ده ان بنزيما قريب من انه يبقا تاني الهدافين التاريخين لريال مدريد لان بنزيما بقا مسجل 323 هدف وراؤول مسجل 323 هدف طبعا الدون رونالدو الاول برصيد 450 هدف وطبعا الرقم ده فارق بأكتر من 100 هدف عن راؤول وبنزيما ومعتقدش ان حد هيكسر الرقم ده في يوم من الايام وده برغم من ان رونالدو لعب 9 مواسم مع ريال مدريد وراؤول لعب اكتر من 16 موسم شوف فرق الارقام وانت هتعرف ان رونالدو مكينة اهداف وده مش تقليل من بنزيما او راؤول.
تالت حاجة بقا ان بنزيما هيكسر رقم Hierro و Gento الاتنين لعبوا 601 مباراة بقميص ريال مدريد وبنزيما لعب 599 مباراة يعني فاضله تلاتة مباريات ويبقا سادس اكتر لاعب ارتدي قميص ريال مدريد و على فكرة كريم بنزيما هو اللاعب الغير اسباني الوحيد في قائمة أكثر عشر لاعيه مشاركة مع ريال مدريد ولسه في ارقام هيكسرها کمان ان ده اول موسم لبنزیما يجيب فيه أکبر من 40 هدفا في موسم وأول مرة هيبقا هداف الدوري الأسباني في 13 موسم ليه مع ريال مدريد وبنزيما بقا هداف دوري الأبطال الموسم.
مستوى بنزیما في ارتفاع بعد رحيل رونالدو ويمكن في الموسمين الي فاتوا محدش خد بالو من الموضوع ده اوى أتحط الضوء في الموسم ده اکثر بکتیر و تعالوا نشوف مین بينافسوا على البالون دور ھو فخر العرب محمد صلاح تعالوا نقارن هتلاقی بنزیما جايب 42 هدف و عامل 14 أسيست اما بقا صلاح مسجل 30 هدف و عامل 15 اسيست و صلاح كدة كدة أفضل لاعب في الدوري الانجليزي ولكن بنزيما الموسم ده أعلى من ارقام صلاح وعلشان شوفنا فترة لصلاح من الصيام التهديفي وده الى خلى بنزيما يفرق من صلاح بنزیما بكل صراحة يستحق البالون دور لدوره الكبير في المباريات الفاصلة وأخطاء الحراس دى مش بالحظ دى بتوضحلك خبرة المهاجم وخصوصا أنها اتکررت کثیر وبغض النظر عن نتيجة مباراة ليفربول وریال مدرید و لكن بنزيما يستحق الجائزة اذا استمر بنفس المستوي ولكن هناك فرصة لصلاح اذا فاز بالمباراة.
