المرعب في هالاند حاجات أكبر بكتير من مجرد ٣ هاتريك بيسجلهم على التوالي، اللي يخوف إنه بيعمل كده بدون معاناة، الواد سايب إيده، هو بيعمل العادي بتاعه، عنك إنت هات بس الكورة وهجيبها جول، هكذا بكل بساطة لا أكثر ولا أقل...
ما هو صلاح سجل هاتريك في اليونايتد من سنة، بس عمل كده بعد معاناة، حدث استثنائي هو عارف وإحنا عارفين إنه بيحصل مرة في العمر، إنما هالاند لو لاعب اليونايتد بكره تاني هيسجل فيهم هاتريك تاني عادي كده من غير ما يحس إنه عمل معجزة تستحق الاحتفاء.
المرعب أكتر، إنك في الوقت الحالي متقدرش تقول اسم مدافع واحد في العالم يقدر يوقفه، يعني المدرب اللي عاوز يدي تعليمات للمدافع بتاعه عشان يوقف خطورة هالاند المفروض يقوله إيه؟ ما هو لو إنت قوي في الكور العالية والعرضيات هو أعلى منك، ولو إنت قوي في الالتحامات فهو زي الطور ممكن يقسمك نصين ، ولو إنت سبتله مساحة معتمد على سرعتك فهو أسرع منك وهيفسحك.
المرعب أكتر وأكتر.. إنك لو فكرت تفكير منطقي إنك تحاول تمنع الكورة إنها توصله كحل أخير، فالصدمة إنه بيلعب تحته دي بروين وفودين وسيلفا وقاعدلهم عالخط واحد أقرع مبيرحمش، دي بروينه ده قادر لوحده ينجم أي مهاجم، لو مروان محسن بيلعب معاه هيتألق، تخيل بقى اللي بيلعب قدامه حيوان زي هالاند؟ يعني فيلم رعب مكتمل الأركان.
المرعب بقى أكتر وأكتر وأكتر.. إن هالاند عنده لسه ٢٢ سنة.. يعني لسه قدامه بتاع ١٠ سنين على الأقل هيمارس فيهم هواية التهام المدافعين اللي بيواجهوه.. الواد عبارة عن حيوان بري مفترس مبيشبعش.
المرعب بقى أكتر وأكتر وأكتر وأكتر.. إن الواد ده عبيط، تحس إنه متدروش كده مش فاهم أصلًا أبعاد الأرقام اللي قاعد يكسرها ومش واخد باله أساسًا، هما بيقولوله قبل كل ماتش شايف الكورة دي لما تجيلك حطها في الشبكة دي.. بس كده ويطلقوه.
بالك لو مستوعب الحالة اللي هو فيها وعاش دور النجومية زي مبابي مثلًا.. كان زمان في أمل إنه يهدى شوية.
ما هو صلاح سجل هاتريك في اليونايتد من سنة، بس عمل كده بعد معاناة، حدث استثنائي هو عارف وإحنا عارفين إنه بيحصل مرة في العمر، إنما هالاند لو لاعب اليونايتد بكره تاني هيسجل فيهم هاتريك تاني عادي كده من غير ما يحس إنه عمل معجزة تستحق الاحتفاء.
المرعب أكتر، إنك في الوقت الحالي متقدرش تقول اسم مدافع واحد في العالم يقدر يوقفه، يعني المدرب اللي عاوز يدي تعليمات للمدافع بتاعه عشان يوقف خطورة هالاند المفروض يقوله إيه؟ ما هو لو إنت قوي في الكور العالية والعرضيات هو أعلى منك، ولو إنت قوي في الالتحامات فهو زي الطور ممكن يقسمك نصين ، ولو إنت سبتله مساحة معتمد على سرعتك فهو أسرع منك وهيفسحك.
المرعب أكتر وأكتر.. إنك لو فكرت تفكير منطقي إنك تحاول تمنع الكورة إنها توصله كحل أخير، فالصدمة إنه بيلعب تحته دي بروين وفودين وسيلفا وقاعدلهم عالخط واحد أقرع مبيرحمش، دي بروينه ده قادر لوحده ينجم أي مهاجم، لو مروان محسن بيلعب معاه هيتألق، تخيل بقى اللي بيلعب قدامه حيوان زي هالاند؟ يعني فيلم رعب مكتمل الأركان.
المرعب بقى أكتر وأكتر وأكتر.. إن هالاند عنده لسه ٢٢ سنة.. يعني لسه قدامه بتاع ١٠ سنين على الأقل هيمارس فيهم هواية التهام المدافعين اللي بيواجهوه.. الواد عبارة عن حيوان بري مفترس مبيشبعش.
المرعب بقى أكتر وأكتر وأكتر وأكتر.. إن الواد ده عبيط، تحس إنه متدروش كده مش فاهم أصلًا أبعاد الأرقام اللي قاعد يكسرها ومش واخد باله أساسًا، هما بيقولوله قبل كل ماتش شايف الكورة دي لما تجيلك حطها في الشبكة دي.. بس كده ويطلقوه.
بالك لو مستوعب الحالة اللي هو فيها وعاش دور النجومية زي مبابي مثلًا.. كان زمان في أمل إنه يهدى شوية.
