مباراة #الرجاء_البيضاوي و #الأهلي مباراه كورة في الاول و الآخر و مش حرب عالميه دعم جمهور الرجاء لفريقه حق أصيل ، و كمان شكواهم للكاف من سوء التحكيم حق أصيل ولو الأهلي مكانهم كان هيعمل كدة و لسه من اسبوع الأهلي طلع بيان بيطالب بإصلاح منظومه التحكيم محليا ، إذن حق أي نادي يدور على حقوقه بما لايضر الآخرين و في الأطر المشروعه و لو انت زملكاوي اكيد المعظم عايز الأهلي يخسر دي حقيقه و العكس صحيح بدون تجميل الكلام دي رياضه و ظاهره موجوده في العالم كله .. أما كونك اعلامي فلكلمه مسؤليه ممكن ننتقد التحكيم بشكل طبيعي خصوصا أن التحكيم الأفريقي معروف بمقالبه التي لا تنتهي كم مره تجرع منها الأهلي و الزمالك و حتى منتخب مصر و الاهلى لا يحتاج للفوز بالتحكيم لو انت اعلامي انتقد براحتك حقك و لكن مش لدرجه تقوم الناس على بعضها و في النهايه الأفضل هيصعد و نتمنى العداله التحكيمي طبعا للجميع في افريقيا و تنتهي تلك المهازل و كل سنه في دوري أبطال إفريقيا في مهزله تحكيميه هل كل سنه طرفها الأهلي؟؟ .. و في النهايه كل واحد اهلاوي ميزعلش من مطالبه الرجاء بحقه و شكواه عبر السوشيال الميديا الرسميه لأنه وسيله ضغط كبيرة يقد يستغلها أمام الأهلي بعد أن كاد يسقط في الذهاب بخماسيه على الاقل تخيل واحد أيقن انه مش في يومه و الاهلى حاب هدفين و ضيع ٣ أو ٤ إذ فجأه يسجل هدف ثمين َ الأهلي مسجلش تاني خرج بنتيجه جيده إلى حد كبير هل ميستغلش الفرصه و يضغط بأي وسيله ولو خارج الملعب ؟؟ كل نادي بيدافع عن مصالحه بالطريقه اللي تناسبه و دي مش هتكون آخر واقعه في افريقيا و افتكروا البوست ده و في الأخير كل التوفيق ل #بيراميدز و #المصري أيضا ينتظرهم مباريات صعبه في الاياب مثل الأهلي تماما .... ممكن كلامنا ميعجبش الناس بس دي وجهه نظر مفيش صح مطلق و خطأ مطلق
#يلا_كورة_اونلاين
